هجوم على رجاء الجداوي بعد وفاة طبيب شاب

وقال ممدوح في بيان غاضب عبر حسابه بموقع إنستقرام: أستاذة رجاء الجداوي من أطيب وأنضف الناس اللي اتعاملت معاها في حياتي، وأظن إن كلنا متفقين على ده، لأني عمري ما شفت حد زعل منها أو هاجمها، فمظنش إن لو كان لقدر الله جرالها حاجة وهي في بيتها بسبب تقصير في الإجراءات كنت هتكون مبسوط ساعتها، بالعكس كانت الدنيا هتقوم مش هتقعد وكنتوا هتغضبوا أكتر من دلوقتي بكتير وأنا واثق من ده.

كورونا يهدد حياة الهضبة عمرو دياب

وأضاف: ده مش مبرر أبدا للتقصير اللي حصل مع الدكتور وليد الله يرحمه وباقي الدكاترة اللي نحتسبهم عند الله شهداء بإذن الله، اللي فقدوا حياتهم أثناء تأدية واجبهم تجاهنا وتجاه بلدهم، فاللي إحنا المفروض نعمله إيه دلوقتي؟ ندعى لأستاذة رجاء إن ربنا يشفيها ويقومهالنا بالسلامة وندعى لشهدائنا من الأطباء ربنا يسكنهم فسيح جناته ويصبر ذويهم، ونطالب وزارة الصحة بتطبيق أعلى معايير الوقاية والسلامة على أطبائنا في الصفوف الأولى، لأن هما في البداية بشر وقرروا يضحوا بنفسهم عشان كل واحد فينا، وكمان لأنهم سبيلنا الوحيد للمرور من الأزمة دي.

واختتم رسالته قائلا: حاجة كمان.. ياريت نبطل نمشي ورا الإشاعات ومش أي خبر نقابله نصدقه.. حفظ الله مصر بأطبائها وجيشها وشعبها بجميع فئاته وأطيافه على حد سواء.

حالة رجاء الجداوي بعد اصابتها بكورونا وعدد الاصابات في عائلتها

ممدوح تلقى ردودا متأثرة بأزمة وفاة الطبيب الشاب نتيجة الإهمال، وقالت إحدى المتابعات: محدش قال انها تموت بالعكس ربنا يشفيها وكلنا بنحبها بس الأطباء اللي بيعالجوا الفنانة رجاء من حقهم يتعاملوا سواسية! واي حد بيجيله نفس المرض يتعامل سواسية ! هو حتي ف الوباء هنميز بين الناس!

وأضافت المتابعة: دكتور وليد فضل يتحايل عليهم لحد ما مات ف عز الشباب و عنده ابن ٥ شهور ! مشافش ابوه ولا يعرفه ! و الفنانة رجاء بنتها كلمت الوزيرة مباشرة واتوفرلها غرفة vip و عناية مركزة ! الناس طلبوا مواساة ف بلاش البوستات اللي انتوا مغرقنا بيها من امبارح دي عشان لا شماتة ف موت و لا مرض و محدش شمت فيها نهائي و رجاءً متعملوش مسلسلات رمضان الجاي عن الجيش الابيض و الهري ده و تركبوا التريند! ربنا يطلعنا منها علي خير!

نتائج فحوصات كورونا عمرو دياب ودينا الشربيني