أنجيلا بشارة تتحدث عن معاناتها بالحصول نفقة طلاقها من وائل كفوري

أنجيلا بشارة تتحدث عن معاناتها بالحصول نفقة طلاقها من وائل كفوري

بعد كشفها منذ أشهر عن قيمة نفقتها التي تحصل عليها بعد طلاقها من وائل كفوري، أنجيلا بشارة تواصل الحديث عن التفاصيل وتتحدث عن معاناتها “كأم مطلقة” وتفاصيل حصولها على النفقة من مبنى المالية.

وعبر خاصية الستوري على انستغرام كتبت :”هيدي البنانية اسمها المالية.. اليوم رح احكي عن الام المطلقة (مدنيا) وطريقة استلام نفقة الولاد… انا شخصيا بسمّي “مشوار الذل”.

وتابعت :”بتنزل الام على المحكمة المدنية بالجديدة ..قبل الساعة 12 أكيد.. بتصف سيارتها بالموقف اذا كان حظها حلو وفي محل… اذا لا بدا تصف وتمشي.. بتفوت على المحكمة وبتنزل لتاخد وصل بالنفقة.. اذا حظها حلو في ربع ساعة نطرة مش أكثر… اذا عاجقة عندها ساعة كيف ما كان”.

وأضافت :”بتحمل هالوصل وبتروح على المالية .. هونيك ولا مرة رح تلاقي محل تصف السيارة..بتصفها شوي بعيد وبتمشي..بتطلع رابع طابق..بتقدم الوصل وبتنطر نصف ساعة اذا ما كان في عجقة لتخلص المعاملات..بتاخد وصل تاني وبتروح على شباك الاستلام..كمان عندها نطرة ربع ساعة اذا ما كان في عجقة وحظها حلو”.

وختمت :”عندي سؤال واحد بس ليش فاهمين الفكرة غلط (ما عم بحكي عن الكل اكيد).. الام المطلقة مش يعني لازم تتعذب وتتقاصص وتنذل وتتبهدل وتتعلم درس وتتربى..”.

أنجيلا بشارة تكشف المزيد من تفاصيل نفقتها من وائل كفوري