والد المطربة بوسي في يوم زفافها .لم اتلق دعوة الى زفاف ابنتي

أعرب محمد شعبان، والد المطربة بوسي، عن غضبه الشديد من ابنته، والتي تحتفل بزفافها، اليوم، على مصفف الشعر هشام ربيع، صاحب أكبر سلسلة محلات تصفيف الشعر «كوافير»، قائلًا: «لسه عارف إمبارح بليل.. وفوجئت بالخبر لما الناس قالت لي من ساعات إن بنتي بتتجوز».

والد بوسي: «بنتي معزمتنيش»
وقال محمد شعبان والد بوسي لـ«الوطن»: «أنا مش هتكلم خالص، عشان مش عاوز أعكنن عليها وهي فرحها النهاردة، بنتي معزمتنيش ولا حد كلمني عشان أحضر الفرح»، لافتًا إلى أنّ مصفف الشعر هشام ربيع لم يتواصل معه قط ولم يجمعهما أي جلسات طوال الفترة الماضية «أنا معرفهوش خالص».

وتابع محمد شعبان والد بوسي: «الناس قالت لي إنهم بيرتبوا للفرح ده من 15 يوما، ورغم كده محدش كلمني خالص، أنا معرفتش إلا إمبارح بس».

واحتفلت  المطربة بوسي،، بزفافها على أشهر مصففي الشعر هشام ربيع، وهو الذي عرف ب تقديم أحدث صيحات الموضة، بحضور كوكبة من النجوم والأصدقاء في أحد فنادق القاهرة الكبرى على النيل، وننشر أول صورة جمعتهما سويًا قبل ساعات من زفافهما.