الفنانة القديرة عبلة كامل ترد على إشاعة مرضها

الفنانة القديرة عبلة كامل ترد على إشاعة مرضها 

من خلال الكاتب المؤلف السينمائي المصري بلال فضل، وبطلب من الفنانة المصرية القديرة عبلة كامل ردت على شائعة طالتها مفادها انها تصارع مرض السرطان بمرحله متطورة، ونفى كل من فضل بلال و عبلة كامل هذا الخبر .

وكان ايضاً الفنان أحمد كمال الزوج السابق للفنانة وابنتها قد نفوا الخبر.

وكتب بلال فضل : الفنانة الكبيرة الأستاذة عبلة كامل طلبت مني أوصّل الرسالة دي لعلها توصل لأي حد بينشر إشاعات عن حياتها وصحتها: “عيب، والله العظيم عيب، لو الناس مش هتتقي ربنا وتخاف منه في وقت زي ده هتتقيه وتخاف منه امتى؟ وإيه اللي هيستفيده إنسان من إنه يقلق حياة الناس بكلام كذب، بيدعي إنه بينشره لإنه محب أو معجب، أنا اخترت نمط حياة سعيدة بيه وراضية عنه، وما عنديش أي حسابات على السوشيال ميديا ولا هيبقى عندي في أي يوم من الأيام، ولا باتابع السوشيال ميديا ولا بانشر عليها أي شيء من أي نوع ولا مهتمة بده، وأتمنى اللي يشوف حساب منسوب ليا يساهم في قفله باللي يقدر عليه والحساب اللي عاملاه واحدة بتدعي إنها بنتي مالوش أي علاقة ببناتي فاطمة وزينب، وكل اللي بيتنشر فيه كذب، والكلام اللي اتنشر في هذا الحساب عن إني مش فخورة بفني وبشغلي كله كذب وافترا، والحمد لله أنا في أحسن صحة وعافية، وباشكر الناس الطيبين كلهم على محبتهم وتقديرهم اللي أنا ممتنة ليها وباحمد ربنا عليها، وربنا يتقبل دعواتكم الجميلة ليا ويخلي لكم حبايبكم”.

أتمنى اللي يشوف الرسالة دي ويشوف بعدها كلام منسوب للأستاذة عبلة كامل يعمل ريبورت للحساب اللي بينشر الكلام ويساهم في قفله، وشكرا جزيلا لحضراتكم” .

https://m.facebook.com/belal.fadl.5/posts/10158368547092779?refsrc=http%3A%2F%2Fd-35290032353110677997.ampproject.net%2F

ماصحة إشاعة احتيال حسام حبيب على شيرين عبد الوهاب و الطلاق.. شيرين ترد