مشاهير

ديما صادق تلوم نفسها بسبب مرض والدتها

جلطة تصيب والدة ديما صادق

صدمة تصيب  الاعلامية ديما صادق والتي عرفت بتمردها ومواقفها السياسية الجريئة ،فقد نشرت  عبر حسابها على انستغرام صورة مؤثرة مع والدتها وذلك بعد دخول والدتها المستشفى إثر تعرضها لجلطة دماغية.

وفي منشور كتبته ديما قالت: “كل يوم تهديدات كل يوم مسبات كل يوم شماتة ولا شي أثر فيي بس وصلو لإمي. أسبوعين ما هدي تلفونها ولا هديوا أعصابها. بنتك هيك وهيك وهيك يقولولها.

انت هيك وهيك وهيك يقولولها وهي حجة ثمانينية. “مبسوطة يا بنتي عم يقولو هيك لامك”. يا ديما انا ما بدي اتبهدل بآخر عمري تقللي. قلها يا ماما ليه ما قادرة تشوفي انه هني بلا أخلاق ليه عم تلوميني الي؟ تقللي لا انت عمايلك ما معقولة. انت عم تطلعي مننا. تترجاني وقف وانا ما وقف. ولا التلفونات وقفوا. بعتولها حتى صورة فوتوشوب مسيئة مش لألي، يا ريت لإلي، لإلها.

يومها قضت النهار عم تبكي . وانا قضيت الليل عم احلم انه صرلها شي من ورايي ومن ورا كل التلفونات اللي عم بوصلولها. اليوم فقت على خبر انه امي بالعناية. امي عملت جلطة بالدماغ. متل ما كنت عم احلم كل ليلة.

تضيف ديما صادق بلوعة ، مين عمل فيها هيك؟ انا أو هني؟ ما بعرف. او يمكن تنايناتنا. يا امي إذا انا عملت هيك ببوس كعب اجريكي سامحيني والله كنت مفكرة اني عم اعمل الصح، والله كنت مفكرة عم اعمل الخير.

واذا هني اللي وجعولك راسك يا عمري انت لك بأمرهن، اللي بدهن ياه، لك السيد حسن على راسي من فوق، لك يطلع باسيل رئيس وانا اول وحدة بزقفلو، لك عمره ما يكون شي، لامبادئ ولا ايمان ولا قضية ولاشي.. بس ببوس ايديكي قومي ورجعيلي بالسلامة. ”

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق