آنجيلا بشارة في تصريحات صادمة ليه الأم المطلقة لازم تنذل

صدمت أنجيلا بشارة الوسط بكشف أسرار صادمة عن طليقها الفنان اللبناني الشهير وائل كفوري وعمّا تعانيه من ذلّ كل مرّة للحصول على نفقة ابنتيهما.

وخرجت ​أنجيلا بشارة​ عن صمتها، وتكلمت عن معاناتها كأي أم مطلقة عليها التوجه إلى “المالية” كل شهر لاستلام نفقة أولادها من زوجها.

وتابعت :”بتنزل الام على المحكمة المدنية بالجديدة ..قبل الساعة 12 أكيد.. بتصف سيارتها بالموقف اذا كان حظها حلو وفي محل… اذا لا بدا تصف وتمشي.. بتفوت على المحكمة وبتنزل لتاخد وصل بالنفقة.. اذا حظها حلو في ربع ساعة نطرة مش أكثر… اذا عاجقة عندها ساعة كيف ما كان”.

وأضافت :”بتحمل هالوصل وبتروح على المالية .. هونيك ولا مرة رح تلاقي محل تصف السيارة..بتصفها شوي بعيد وبتمشي..بتطلع رابع طابق..بتقدم الوصل وبتنطر نصف ساعة اذا ما كان في عجقة لتخلص المعاملات..بتاخد وصل تاني وبتروح على شباك الاستلام..كمان عندها نطرة ربع ساعة اذا ما كان في عجقة وحظها حلو”.

وختمت :”عندي سؤال واحد بس ليش فاهمين الفكرة غلط (ما عم بحكي عن الكل اكيد).. الام المطلقة مش يعني لازم تتعذب وتتقاصص وتنذل وتتبهدل وتتعلم درس وتتربى..”.

بعض المتابعين علّق أنّ الفنان وائل كفوري يستطيع أن يحل كل هذه الأزمة بإعطائها النفقة مباشرةً لها، فيما اعتبر البعض الآخر أنّ هذه الإجراءات لا تخصّ كفوري إنّما من الضّروري اتّباعها في كل مرة.