Силен земјотрес ја погоди Хрватска и нејзиниот главен град Загреб, предизвикувајќи големи штети и паника меѓу населението.
Европската сеизмолошка агенција (EMSC) соопшти дека земјотресот бил со јачина од 5.3 степени и погодил широка област северно од главниот град Загреб.Епицентарот на земјотресот бил на 7 километри северно од Загреб, на длабочина од 10 километри.
Очевидци велат дека на многу згради им се напукнати ѕидовите и оштетени покриви.Улиците во центарот на градот биле полни со шут, а бетонските блокови паднале врз автомобилите.
Оштетена е и познатата загрепска катедрала, при што една од нејзините кули се урна.
Катедралата била повторно изградена откако била уништена од земјотрес во 1880 година, а фасадите на некои згради се урнале во старите централни населби на Загреб.
Локалните власти засега не известија за жртви.
За одбележување е дека балканскиот регион е сведок на активна сеизмичка активност, каде што често се случуваат земјотреси.