Tawagar kasar Sin ta fuskanci wani yanayi mai ban kunya, kuma an hana su shiga don ziyartar akwatin gawar Sarauniya Elizabeth.

An dakatar da jakadan kasar Sin a Burtaniya shiga majalisar har na tsawon shekara guda bayan da birnin Beijing ya kakaba wa wasu 'yan majalisar dokokin Burtaniya 7 takunkumi a bara saboda yin magana game da yadda kasar Sin ke mu'amala da 'yan kabilar Uighur marasa rinjaye a yankin Xinjiang mai nisa.

Ofishin kakakin majalisar dokokin kasar Lindsey Hoyle, ya ki cewa komai a ranar Juma'a, kan wani rahoto da jaridar Politico ta fitar na cewa, an hana tawagar kasar Sin ziyartar akwatin gawar Sarauniya a majalisun biyu.

A nan birnin Beijing, kakakin ma'aikatar harkokin wajen kasar Sin Mao Ning, ta ce ba ta ga rahoton ba, amma ta ce a matsayinta na mai masaukin baki ga jana'izar Sarauniyar, kamata ya yi Birtaniya ta bi ka'idojin diflomasiyya da suka dace don karbar baki.

Ana sa ran wata tawagar kasar Sin za ta halarci jana'izar Sarauniyar a ranar Litinin a Westminster Abbey maimakon a majalisa, masu shirya jana'izar ba su fitar da jerin bakowa ba, kuma ba a san ko wanene daga kasar Sin zai iya halarta ba.

'Yan majalisar dokokin Burtaniya da aka sanya wa takunkumi a wannan makon sun rubuta wa jami'ai don bayyana damuwarsu game da gayyatar gwamnatin China zuwa jana'izar Sarauniyar ranar Litinin.