A kasar Japan, an gudanar da bikin yaye dalibai daga nesa da ke amfani da wani mutum-mutumi

A kasar Japan, an gudanar da bikin yaye dalibai daga nesa da ke amfani da wani mutum-mutumi

Sakamakon bullar cutar Corona, dalibai ba za su iya halartar bikin yaye daliban ba amma wannan ba matsala ba ce ga Jami'ar Bunkasa Kasuwanci da ke Tokyo.

Jami'ar ta gudanar da bikin yaye dalibanta ta hanyar amfani da robobi da ke wakiltar dalibai don gujewa taruwa. Ta ce tana fatan sabuwar dabarar da ta yi za ta zama abin koyi ga cibiyoyin ilimi a fadin kasar da ke neman kauce wa manyan tarukan.

Jami’ar ta yi amfani da robobi da ke wakiltar daliban da za su iya sarrafa su daga gidajensu domin gudanar da bikin yaye daliban.

Robot din mai suna "Numi" da kamfanin ANA ya kirkira, sun sanya huluna da riguna domin bikin yaye daliban tare da nuna fuskokin daliban.

Wani ɗalibi ya ce, “Lokacin da na shiga jami’a, ban taɓa tunanin cewa zan iya sarrafa na’urar mutum-mutumi don samun digiri na ba. Ina ganin baƙon abu ne da gaske in karɓi takardar shedar a wurin jama'a yayin da nake cikin keɓantacce."

Miss Ingila ta bar kambi kuma ta dawo yin aikin likita don fuskantar Corona