Телото на синот на познат милионер е пронајдено во близина на домот на Џорџ и Амал Клуни

Телото е пронајдено како лебди во реката Темза во Англија, при потрагата по синот на милионерот кој исчезна во близина на домот на Џорџ Клуни минатиот јануари.

Се зголеми загриженоста за безбедноста на Александар Стерн (36), кој последен пат беше виден како излегува од бар во близина на замокот на холивудската ѕвезда во Сонинг, Беркшир, вреден 12 милиони фунти, на 11 јануари оваа година.

Полицијата во потрага по Стерн пронашла тело во реката, две милји од Чарвил, во петокот, 3 јануари.

Иако допрва треба да се направи официјална идентификација, истражителите веруваат дека таа му припаѓа на исчезнатиот младинец.

Портпаролот на полицијата во долината Темза денеска изјави: „Смртта се третира како необјаснета, но не сомнителна и се подготвува досие за форензичарот“.
Тој додаде дека роднините на Александар се информирани и поддржани и сакаат да изразат благодарност до заедницата за поддршката во овој тежок период.
Вреди да се одбележи дека Александар е син на милионерот Роналд Стерн, кој е познат како еден од најдобрите колекционери на Ферари во Британија.
Александар последен пат беше виден на CCTV камерите како го напушта „Bull Bar“, блиску до домот на холивудската ѕвезда, на 11 јануари, по што исчезна до овој момент.