Која е Џорџија Мелони, кандидатот за премиер на Италија и дали ќе ги избрка сите бегалци?

Мелони води партија со фашистички и антиимиграциски корени и во повеќе наврати ја обвини Европската унија за соучесништво во спроведувањето на теоријата за „Големата замена“ и е обожавател на Виктор Орбан, конзервативниот унгарски премиер.

Дали десницата ќе доминира во Европа?

Сите очекувања и анкети велат дека италијанската екстремна десница, „тројната алијанса“ на чело со Мелони, ќе постигне историска победа утре, недела, на законодавните избори, покрај успехот што минатата недела го постигнаа шведските демократи и неочекуваните резултати што ги доби Марин Ле Пен во Франција на изборите.Сепак европските земји се движат кон избор на екстремно десничарските партии.

Во извештајот на магазинот „Економист“ се вели дека Европа треба да ја почитува демократската одлука на Италија доколку ја избере Џорџија Мелони, а извештајот ја уверува Европската унија дека нејзината влада ќе биде ограничена од политиката, пазарите и парите.

Извештајот сугерира дека Мелони нема да може да ги исполни ветувањата што ги даде за време на изборната кампања, бидејќи ќе се судри со италијанскиот претседател и со шефот на Уставниот суд, кои се умерени центристи.