Wara r-riżenja tiegħu, kiteb fuq Twitter: “Nhar it-Tnejn għedt li ma nemminx lil Meghan Markle waqt l-intervista tagħha ma’ Oprah. Wara żmien biex nikkunsidra mill-ġdid din l-opinjoni għadni ma nemminhiex. Jekk temmenha, tajjeb.”

Huwa qal lis-7.8 miljun segwaċi tiegħu fuq Twitter: “Il-libertà tal-espressjoni hija prinċipju li nkun kuntent li mmut għalih. Grazzi għall-imħabba u l-mibegħda kollha. Irtirejt biex inqatta’ aktar ħin bl-opinjonijiet tiegħi.”

Barra minn hekk, bit-tweet tiegħu ippubblika stampa tal-Prim Ministru Ingliż matul it-Tieni Gwerra Dinjija, Winston Churchill, bi kwotazzjoni dwar il-libertà tal-espressjoni.

Huwa rrappurtat li waqt intervista ta’ sagħtejn ma’ Oprah Winfrey, Megan iddikjarat li l-familja rjali ċaħdet it-talba tagħha għall-għajnuna psikoloġika, u żiedet li wieħed mill-membri tal-familja staqsa mistoqsijiet dwar il-kulur tal-ġilda tat-tifel mistenni dak iż-żmien.

Filgħodu wara li xxandret l-intervista fuq stazzjon televiżiv Amerikan, Morgan ikkritika lil Megan fil-programm tiegħu, u saħaq li ma jemmen kelma waħda minn dak li qalet. L-għada, huwa rtira b’rabja mill-programm dirett tiegħu meta xandar li miegħu kien qed jippreżenta l-episodju oġġezzjona għall-pożizzjoni tiegħu. Aktar tard matul il-ġurnata, ITV ħabbar li kien irriżenja.