Ir-Re Karlu jagħti ġieħ lil ommu, ir-Reġina Eliżabetta, f’Jum il-Milied

Il-monarka tal-Gran Brittanja qal li jaqsam “bil-qalb” il-fidi ta’ ommu f’Alla u n-nies. Ir-Re Karlu kien qed jitkellem mill-Kappella ta’ San Ġorġ, l-aħħar post ta’ mistrieħ tal-mibki Reġina u minn fejn tat il-messaġġ tagħha tal-Milied fl-1999.

Ir-Re Karlu jiret it-tron tal-Gran Brittanja u fortuna kbira mingħand ommu

“Huwa dwar li temmen fil-kapaċità straordinarja f’kull individwu li jinfluwenza l-ħajja ta’ ħaddieħor, permezz tat-tjubija u l-kompassjoni, biex idawwal id-dinja ta’ madwaru,” żied Charles.

B’differenza mir-Reġina Eliżabetta, li ta’ spiss kienet toqgħod fuq skrivanija biex tagħti l-indirizz annwali, Charles kien ħdejn is-siġra tal-Milied fil-Kappella ta’ San Ġorġ, il-kappella fil-grawnd tal-Kastell ta’ Windsor fejn hemm midfuna ommu u missieru, il-Prinċep Filippu.