Żagħżugħ irnexxielu jidħol fil-palazz tar-Reġina Eliżabetta waqt li kienet ġewwa fih
Ksur ta’ sigurtà fil-Palazz ta’ Buckingham, ir-rapporti żvelaw li żagħżugħ ta’ 22 sena irnexxielu jiżloq minn ċint fuq quddiem tal-palazz, fis-2am ta’ nhar l-Erbgħa, u rnexxielu jidħol fil-palazz waqt li r-Reġina kienet rieqda.
Skont il-ġurnal, “The Sun”, il-pulizija arrestat liż-żagħżugħ fi żmien 4 minuti biss, waqt li kienu qed jippruvaw isibu jekk kienx armat jew le.
Irriżulta li ma kienx armat u ma kien jappartjeni għall-ebda organizzazzjoni terroristika.
U mhux l-ewwel darba li sar ksur tas-sigurtà, hekk kif persuna jisimha “Michael Fagan” kienet daħlet qabel fil-kamra tas-sodda tar-Reġina, madwar 37 sena ilu.
Sors irjali qal: "Dan l-intruż kien fil-palazz waqt li r-reġina kienet torqod fil-kamra tas-sodda tagħha, u kien fil-libertà għal ftit minuti, qabel ma ġie arrestat."