Rapper famuż Mac Miller imut bid-droga
Vittma oħra: id-droga qed ineħħilna l-fjura taż-żgħażagħ tagħna.Il-kantant Amerikan Mac Miller, li kiseb fama grazzi għal kanzunetti hip-hop li jfakkru fil-bidu tar-rap u dawk dwar l-eks-tfajla tiegħu Ariana Grande u l-President Amerikan Donald Trump, miet fl-età ta’ 26 sena, skont dak li rrappurtat il-midja Amerikana.
Il-websajt TMZ, li tittratta l-aħbarijiet ta’ ċelebritajiet, indikat li ż-żagħżugħ miet b’doża eċċessiva ta’ droga fid-dar tiegħu qrib Los Angeles.
US Magazine irrapporta wkoll l-aħbar tal-mewt tiegħu.
Din il-mewt seħħet xhur wara t-tmiem tar-relazzjoni tiegħu mal-kantanta Ariana Grande, li damet għal sentejn u rċeviet kopertura mifruxa fil-midja.
F’Mejju, ftit wara l-firda tagħhom, huwa kien involut f’inċident bil-karozza u ġie mixli li saq taħt l-influwenza tad-droga jew l-alkoħol.
Tkellem pubblikament dwar il-problemi ta’ dipendenza li jiffaċċja, u f’Awwissu qal fl-okkażjoni tal-ħruġ tal-ħames album tiegħu (Swimming) li l-kundizzjoni tiegħu kienet qed titjieb ftit ftit.
Hu qal lill-magazin Rolling Stone, “Iva, kkunsmajt id-droga, imma m’iniex vizzju.”
Miller, li ismu oriġinali huwa Malcolm McCormick, twieled Pittsburgh, Pennsylvania, u sar famuż bis-saħħa tal-mużika tiegħu tixxandar fuq l-Internet meta kien adoloxxenti. Il-kanzunetti tiegħu kien fihom mużika sempliċi b’ritmu qawwi li jfakkar fil-bidu tar-rap.
Fl-2011, huwa kiteb kanzunetta li t-tema tagħha kienet "Achieving Huge Wealth" u li t-titlu tagħha kien "Donald Trump."
Il-biljunarju Amerikan, li iktar tard sar President tal-Istati Uniti, laqaʼ din il-kanzunetta, iżda ammetta li “l-lirika tagħha hija xi ftit diffiċli biex tinftiehem.”
Huwa ddeskriva lil Mac Miller bħala "l-Eminem il-ġdid," b'referenza għar-rapper abjad famuż.