Erdogan iyo xaaskiisa ayaa marqaati ka ah meherka Sultana Halima

Habeenimadii sabtida ee lasoo dhaafay Madaxweynaha Turkiga Recep Tayyip Erdogan iyo xaaskiisa Aamina Erdogan ayaa ka qeyb galay xaflada meherka mid ka mid ah xidigaha ugu muhiimsan Isboortiga Turkiga iyo xidigaha dhanka jiliinka.

Madaxweynaha Turkiga iyo xaaskiisa ayaa goob joog ka ahaa arooska Aktarada reer Turkiga ee Esra Bilgic, taasoo ku jileysa xaaska geesigii taxanaha ahaa ee Artegrel, taasoo ka timid ciyaaryahan Gokhan Toure, oo ka mid ah xiddigaha kooxda Turkiga ee Besiktas.

Marka laga soo tago madaxweynaha iyo xaaskiisa, xafladda oo lagu qabtay banka weyn ee Bosphorus Strait, ayaa waxaa ka soo qeyb galay dadweyne aad u fara badan oo isugu jira xiddigo faneed, jilayaal iyo ciyaartooy waa weyn.

Waxaa xusid mudan in Esra ay dhalatay October 1992-kii, shaqadeeda ugu caansanna waa doorkii Xaliima, ee ku jirtay taxanaha caanka ah ee Ertugrul Resurrection.

Ninkeeda waa 25 jir, waxa uu dhashay horraantii 1992. Waa ciyaaryahan kubbadda cagta ah oo ku sugan Besiktas, oo ah kooxda ugu caansan Turkiga.