Kabaha ugu qaalisan adduunka oo qiimahoodu dhan yahay 15 milyan oo doolar, waxay booqdaan Dubai

Sida muuqata dadka caanka ah maahan oo kaliya inay booqdaan Dubai, balse sidoo kale waxay booqdaan kabaha ugu caansan iyo kuwa ugu qaalisan ee lagu xardhay dahabka, Arbacada soo socota, imaarada Dubai waxay martigelin doontaa bandhiga kabaha ugu qaalisan adduunka, kaas oo qiimahiisu yahay 55 milyan Dirham (oo u dhiganta 15) milyan doolarka Mareykanka ah).
Sida uu qoray wargeyska “Al Bayaan” ee dalka Imaaraatka ka soo baxa, kabahan qaaliga ah ee lagu xardhay dheeman ayaa dadweynaha loogu soo bandhigi doonaa hotel ku yaalla magaalada Dubai, si loogu dabaaldego sannad-guurada 10-aad ee ka soo wareegtay aas aaskiisa.

Kabaha ugu qaalisan aduunka waxaa naqshadeeyay naqshadeeye Debbie Wingham, waxaana lagu dhejiyay in ka badan 1000 dheeman oo saafi ah iyo naadir ah oo lagu dhejiyay birta platinum iyo 24 karat oo dun dahab ah.
Waxa kale oo kabahan lagu qurxiyey laba dheeman oo casaan ah oo midkiiba uu miisaankiisu yahay 3 carats, laba dheeman oo buluug ah, midkiiba hal carat, iyo 4 dheeman oo cad oo saafi ah, midkiiba 3 carat.