Aktarada Bollywoodka ee Tonisha Sharma ayaa is dishay iyadoo diyaarsan kadib markii ay kala tageen saaxiibkeed

 Eedeymo kale

Tonisha Sharma hooyadeed, Vanita Sharma, ayaa axaddii dacwad ka gudbisay Shezan Khan oo ah saaxiibkeed ‘Ali Baba’. Vanita ayaa bayaan ay soo saartay warbaahinta ku sheegtay in Shezan uu “khiyaanay” gabadheeda oo uu jacayl u qaaday.

Hooyada dhashay Aktarada geeriyootay ayaa tiri: “Marka hore waa uu xiriir la sameeyay, kadib markii uu u ballan qaaday inuu guursan doono, kadibna ay kala tageen. Waxa uu xidhiidh la lahaa naag kale, haddana waxa uu xidhiidh la yeeshay Tonesha, waxaanu isticmaalayey 3 ilaa 4 bilood.”

Cabashada ka dib, Shezan ayaa la xiray isagoo lagu eedeyay inuu isdilay, waxaana Axadii maxkamada India ay u dirtay xabsiga booliska 4 maalmood.

Kulankii ugu dambeeyay 

Wararka ka imaanaya India ayaa xaqiijiyay in Tonisha Sharma ay qado la qaadatay saaxiibkeedii hore Khan, oo goobta ku sugnaa, kahor inta aysan is dilin.

Warbixinta booliska ayaa daaha ka qaaday in labada qof ay xiriir lahaayeen ayna kala tageen 15 maalmood ka hor geerida Tonisha. Aktarada oo 20-jir ah ayaa la sheegay in kala tagga ka dib ay soo wajahday walaac iyo niyad jab, taasoo keentay in ay qaado tillaabo is dil ah, sida ay sheegeen qaar ka mid ah dadka ku dhow dhow.

Shizan Khan ayaa booliska Maharashtra u sheegay inuu soo afjaray xiriirkii uu la lahaa Tonisha Sharma sababo la xiriira dhanka diinta, marka laga soo tago farqiga da’da ee u dhaxeeya, maadaama atooraha caanka ah uu 8 sano ka weyn yahay.