Faahfaahinta burburka diyaaradda Kobe Bryant iyo sawiro

Halyeyga Kubadda Koleyga Mareykanka Kobe Bryant dhimashadiisa Diyaarad Helicopter ah oo ku burburtay Calabasas, Los Angeles, Koonfurta California, da'da 41.

Alex Villanueva oo ah sarkaal ka tirsan booliiska Los Angeles ayaa sheegay in siddeed qof oo rakaab ah iyo duuliyihii diyaaradda ay ku dhinteen shilkaasi, isagoo intaas ku daray "Ma jiraan wax ka badbaaday ... diyaaradda waxaa saarnaa sagaal qof, duuliyihii iyo siddeed qof."

Axadii, mareegta Mareykanka ee "TMZ" ayaa ku dhawaaqday dhimashada Bryant, ka hor inta aysan booliiska magaaladu xaqiijin in shilka uu ku dhintay qof kasta oo saarnaa helikobtar, oo uu ku jiro duuliyihii, oo aan tiradooda weli la xaqiijin.

Halyeygii Maraykanka ee Kobe Bryant ayaa ku dhintay shil naxdin leh

Saraakiisha booliiska Los Angeles ayaa xaqiijiyay in aysan jirin cid ka badbaaday shilka diyaaradeed ee ka dhacay galbeedka magaalada.

Shabakadda caanka ah ee TMZ ayaa sheegtay in Bryant uu isticmaalay helikobtarka tan iyo markii uu ahaa ciyaaryahan Los Angeles Lakers oo uu ciyaaraha ku aaday helikobtar Sikorsky S-76.

Maamulka Duulimaadyada Federaalka ee Mareykanka ayaa ku dhawaaqay in diyaarad Helicopter ah oo nooceedu ahaa Sikorsky S-76 ay burburtay, waxayna sheegtay in hay’adda iyo guddiga badbaadada gaadiidka ee Mareykanka ay baaritaan ku sameyn doonaan arrintan.

Bryant, oo 41 jir ah, waxa uu u ciyaaray Lakers intii u dhaxaysay 1996 ilaa uu ka fadhiistay 2016,waxana uu u caleemo saaray horyaalka shan jeer 2000 iyo 2001 waxana loo doortay laba jeer in uu yahay ciyaartoyga ugu fiican finalka (2002 iyo 2009).

Bryant ayaa sidoo kale ka qeyb galay 18 jeer Ciyaarta Xiddigaha, waxaana loo caleemo saaray ciyaaryahankii ugu fiicnaa afar jeer, wuxuuna dalkiisa kula guuleystay dahabka Olombikada ee Beijing 2008 iyo London 2012 Olympics.