Tareen ayaa jiiray bas ay la socdeen musiibo cusub oo galaaftay nolosha dad masaari ah

Shilalka tareennada ayaa mar kale ku laabtay Masar Jimcihii. 3 qof ayaa ku dhimatay 10 kalena way ku dhaawacmeen shil tareen iyo bas rakaab ah oo marayay gobolka Sharkia ee waqooyiga Masar.
Goob joogayaal ayaa Al-Carabiya.net u sheegay in tareen uu ku dhacay bas rakaab ah oo marayay isgoyska Akiyad ee magaalada Faqous ee gobolka Sharkia, waxaana halkaasi ka dhashay khasaare dhimasho iyo dhaawac isugu jira.

Ilo wareed rasmi ah oo ka tirsan Wasaaradda Caafimaadka ayaa shaaca ka qaaday in shilkaasi uu sababay dhimashada 3 ruux oo ay ku jiraan labo wiil oo walaalo ah, kuwaasi oo u badnaa dadka deegaanka oo ku noolaa deegaanka Abuu-Dahshan ee deegaanka Faqous, kadib markii ay ku sii jeedeen goobta loo dalxiis tago ee Ismaaciiliya.

Baaritaanada ayaa sidoo kale lagu ogaaday in darawalka baska uu isku dayay inuu ka gudbo wadooyinka tareenada ee isgoysyada tuulada Akyad, waxaana tareen ka yimid Zagazig kuna socday Faqous uu isku dhacay oo uu baska ku jiiray masaafo dheer.

Iyadoo maamulka uu gurmad u diray goobta uu shilku ka dhacay, iyadoo meydadka iyo dhaawacyada la geeyay isbitaalka guud ee Faqous, iyadoo taliska guud ee Taraafikada ee magaalada Sharqia uu meesha ka saaray burburka gaariga, waxaana mar kale caadi ku soo laabtay dhaq-dhaqaaqa tareenada.

Waxaa lagu soo waramayaa in dalka inta badan ay ka dhacaan shilal baabuur oo dhimasho iyo dhaawacba leh, gaar ahaan dhanka Tareenada, inkastoo ay jiraan dadaalo uu maamulku ku doonayo in lagu casriyeeyo qaar ka mid ah wadooyinka burbursan ee tareenada.
Shilalka gaadiidka ayaa inta badan ku soo noqnoqda dalka Masar sababo dhowr ah dartood, waxaana ugu weyn ku dhaqanka xun ee u hoggaansanaanta shuruucda wadista baabuurta iyo dayactirka baabuurta xilliyada qaarkood.