Dhimashada boodada waxay soo afjaraysaa nolosha nin, xaaskiisa iyo wiilkiisa, iyaga oo diiwaangelinaya waqtiyada argagaxa leh ee muuqaalka

Sheeko tacabur ah oo ku dhammaatay si naxdin leh, muuqaal laga soo duubay ayaa muujinaya xilliga uu aabe ka booday si uu uga quuso buur dheer dusheeda, xilli uu fasaxiisa la qaatay qoyskiisa oo ku nool dalka Spain, si uu noloshiisa ugu dhammeeyo qoyskiisa hortiisa.
Muuqaalka naxdinta leh ee ay iska duubeen xaaskiisa iyo wiil uu dhalay oo laga soo duubay dooni u dhow ayaa muujinayay 31-jirkan dalxiiska ah ee u dhashay dalka Holland oo isku diyaarinaya inuu 100 cagood ku quuso jasiiradda Malgrats ee dalka Spain, halkaasoo ay caan ku yihiin dadka fasaxa u soo baxa.

Fiidiyowga xamaasadda leh ayaa sidoo kale muujinaya isaga oo ku dhacaya xawaare aad u sarreeya, waxaana hoostiisa ka muuqday dhagxaan fiiqan oo qallafsan, ka hor inta uusan ku dhufan biyaha qaylo cabsi leh, sida uu sheegay New York Post.
Halka xaaskiisa ay ku qaylisay dhamaadka clip-ka gaaban ee cabsida leh, iyadoo ka naxsan waxa ay indhaheeda ku aragtay, "Ilaahayow!"
Meydka ninkan oo aan wali la aqoonsan heybtiisa ayaa la sheegay in markii dambe laga helay biyaha kadib markii uu quusay kadibna la baaray.
Waxaa xusid mudan in ninku uu xaaskiisa u kireeyay doon si uu ugu duubo filimkan "boodboodka dhimashada," oo runtii ku dhamaaday si naxdin leh.