Waa maxay nidaamka NOTAM?

Waa nidaam u soo dira digniinaha badbaadada ee wakhtiga dhabta ah duuliyayaasha, sida ku cad sharraxaad la soo dhigay mareegaha

Hay’adda Duulista Rayidka ee Maraykanka.

Ogeysiisyadani waxay lama huraan u yihiin qorsheynta duulimaadka waxaana loo isticmaalaa in lagu wadaago macluumaadka ku saabsan khataraha hawada ama dhulka, sida dhabbaha dayuuradaha ee xiran, xayiraadaha hawada sare iyo khalkhal gelinta calaamadaha hagida.

Ogeysiisyada nidaamka inta badan waxay ka kooban yihiin luqad farsamo oo ay adag tahay in la kala saaro qof kasta oo aan khibrad u lahayn inuu akhriyo.

Waxaa la sameeyay 1947-kii, NOTAM waxaa loo qaabeeyey ka dib hannaan la mid ah oo loo adeegsaday in looga digtoonaado kabtannada maraakiibta khatarta badda.

Joogsi buuxda sababtoo ah NOTAM

Duulimaadyada hawada ayaa gebi ahaanba hakad ku yimid hawada Mareykanka sababo la xiriira cilad ku timid nidaamka NOTAM.

Shabakadda Mareykanka ee CNN ayaa sheegtay in cilladda farsamo ay sababtay dib u dhac ku yimid in ka badan 4000 oo duulimaad, waxaana la joojiyay ilaa 750, iyadoo la hakiyay isu socodkii hawada ee Mareykanka.

Waxayna Maamulka Duulimaadyada Federaalka ee Mareykanka oggolaadeen in duullimaadyadu ay ka duulaan dalka oo dhan, kaddib markii ay ku dhawaaqday horraantii maanta oo Arbaco ah, in si tartiib tartiib ah ay dib ugu billaabayaan isu socodka hawada garoomada Atlanta iyo Newark.

Karen Jean-Pierre, oo ah xoghayaha warfaafinta ee Aqalka Cad, ayaa mar sii horreysay sheegtay in aysan jirin wax caddaynaya in nidaamka FAA uu hoos u dhacay uu sabab u ahaa weerar dhanka internetka ah, iyo in madaxweyne Joe Biden uu amray in baaritaan lagu sameeyo.