Wasiirka caafimaadka ee Ingiriiska ayaa sheegay in laga helay caabuqa Corona
Wasiirka caafimaadka ee Ingiriiska ayaa sheegay in laga helay caabuqa Corona
Wasiirka caafimaadka Britain Matt Hancock ayaa ku dhawaaqay, Jimcihii, in uu ku dhacay Fayraska Corona, saacado ka dib markii Ra'iisul Wasaaraha dalkiisa, Boris Johnson, uu shaaca ka qaaday inuu sidoo kale ku dhacay fayraska.
Hancock wuxuu yiri, muuqaal uu soo dhigay bartiisa Twitter-ka: "Waxaa la xaqiijiyay inaan qabo korona, nasiib wanaag, calaamadaheygu waa khafiif, guriga ayaan ka shaqeeyaa oo waan karantiilayaa."
Horaantii maanta, Ra'iisul Wasaare Boris Johnson wuxuu sheegay inuu ku dhacay fayraska uuna la kulmay astaamo fudud.
Waxa uu intaa ku daray in uu isagu go’doomiyay, isla markaana uu ka shaqayn doono guriga.
Waxaa sidoo kale maalmo ka hor lagu dhawaaqay in Amiir Charles uu ku dhacay fayraska.