Codadka ka imaanaya dhulka guntiisa ayaa argagax ku abuuraya quluubta dadka degan tuulo ku taal dalka Turkiga

Maamulka Turkiga ayaa sameeyay baaritaan ka dhan ah asalka cabashooyinka ka imaanaya dadka deegaanka ee ku saabsan in ay maqleen codadka ka imaanaya dhulka hoostiisa.
Sida uu qoray wargeyska “Zaman” ee Turkiga ka soo baxa, dadka ku nool tuulada Maidandara ee gobolka Sacad ayaa sheegay in dhawaaqyadaasi ay yihiin kuwo cabsi leh, waxayna dalbadeen in la shaaciyo halka ay ka yimaadeen.

Imtixaanka ka dib ayaa waxaa soo saaray Waaxda Gurmadka iyo Masiibooyinka dabiiciga ah ee magaalada, iyadoo sheegtay in aan la ogeyn sababta keentay dhawaqa ay maqleen dadka deegaanka, isla markaana ay daba gal ku sameyn doonaan wixii ku soo kordha kiiskan.
Madaxa xaafadda Necmettin Baykara ayaa codsi u gudbiyay Waaxda Gurmadka iyo Masiibooyinka Dabiiciga ah, codsi ka yimid dadka tuulada oo maqlay dhawaqa ka imaanaya dhulka hoostiisa oo dareemay gariir socday dhowr ilbiriqsi ka hor.

Dhankiisa Agaasimaha Waaxda Gurmadka Degdegga ah iyo Masiibooyinka Dabiiciga ah ee magaalada ayaa sheegay in ay imtixaano kala duwan ka qaadeen, waxaana uu intaa ku daray in hay’adaha ay khuseyso ay la socodsiin doonaan warbixinnada daraasaadka Juquraafiga ee la diyaarin doono.