Xasuuqii ka dhacay dalka Ruushka..Nin hubeysan ayaa weerar ku qaaday iskuul kadibna si xun u dilay caruurteeda

Dowladda Udmurtia ee dalka Ruushka ayaa ku dhawaaqday in tirada dhibanayaasha dhacdo uu qof dhimirka ka jiran uu rasaas ku furay iskuul uu weeraray oo uu ku dilay ilaaladiisa oo ku taal magaalada Izhevsk ay gaartay 17 qof.
Bilayska maxalliga ah ayaa sheegay in subaxnimadii Isniinta, nin hubaysan uu dilay 17 qof 24 kalena ku dhaawacay dugsiga oo ku yaal badhtamaha Ruushka, magaalo qiyaastii 960 kiiloomitir bari ka xigta magaalada Moscow ee gobolka Udmurtia.

Guddiga dambi baarista ee Ruushka ayaa sheegay in ninka toogashada geystay lagu magacaabo Artyom Kazantsev (34 sano jir), isla markaana ka soo qalin jabiyay isla iskuul, waxayna sheegeen in uu xirnaa shaadh madow oo ay ku qoran yihiin calaamada Nazi-ga. Faah faahin ku saabsan ujeedadiisa lama shaacin.
Xukuumadda Udmurtia ayaa sheegtay in 17 qof oo ay ku jiraan 11 carruur ah lagu dilay toogashada. Sida laga soo xigtay guddiga baaritaanka Ruushka, 24 qof ayaa sidoo kale ku dhaawacmay weerarka, oo ay ku jiraan 22 carruur ah.

Guddoomiyaha gobolka Udmurtia, Alexander Brychalov, ayaa sheegay in ninka hubeysan - oo tilmaamay in uu bukaan ahaan uga diiwaan gashan yahay isbitaalka dhimirka - uu isdilay ka dib weerarka.
Afhayeenka Kremlin-ka Dmitry Peskov ayaa ku tilmaamay toogashada mid “fal argagixiso”, wuxuuna sheegay in madaxweynaha Ruushka Vladimir Putin uu siiyay dhammaan amarada lagama maarmaanka u ah mas’uuliyiinta ay khuseyso.

"Madaxweyne Putin wuxuu aad uga murugeysan yahay dilka dadka iyo carruurta dugsigii uu fal argagixisanimo ka dhacay," Peskov ayaa u sheegay suxufiyiinta Isniintii.
Ilaalada Qaranka Ruushka ayaa sheegay in Kazantsev ay adeegsatay laba bistoolad oo aan wax dilin ah oo la bedelay si loo rido rasaasta dhabta ah. Labada bastooladood ayaan ka diiwaan gashaneyn maamulka.
Baaritaan dambiyeed ayaa la bilaabay dhacdadan iyadoo lagu eedeeyay dilal badan iyo haysashada hub sharci darro ah.
Magaalada Izhevsk, oo ay ku nool yihiin 640, waxay ku taal galbeedka buuraha Ural ee badhtamaha Ruushka.