Arday dhigata fasalka todobaad ayaa lagu dilay gudaha suuliga iskuulka.

Gabar ardayad ahayd oo dhiganaysay fasalka toddobaad ayaa lagu dilay tooreey gudaha iskuulkeeda, kadib shil naxdin leh oo aan la soo koobi karin

Dembiga ayaa lagu arkay dugsiga "Hussein Okan Merzji Intermediate School" ee Mersin, halkaas oo ardayad 12 jir ah, Fatima Nessa Yurakli, lagu dilay ka dib markii lagu garaacay oo lagu dhuftay musqusha dabaqa hoose ee dugsiga, sida ay sheegtay. waxaa wariyay wargeyska mucaaradka Turkiga ee Zaman.

Kadib markii ay maqleen qaylo-dhaan gargaar, kormeerayaasha dugsigu waxay suuliga ku dhex heleen Faadumo oo dhaawac culusi ka muuqato oo dhiig badani ka socdo.

Gabadha dhibbanaha ah ayaa waxaa loo wareejiyay isbitaalka magaalada Mersin iyadoo loo qaaday ambalaas, balse dadaal ay sameeyeen dhaqaatiirta ayaa ku guuldareystay inay badbaadiyaan, wayna geeriyootay in kasta oo ay wax ka qabteen.

Waxaa la ogaaday in gabadha ardayada ah lagu dhuftay tooreey isla markaana lagu garaacay 5 meel oo kala duwan oo jirkeeda ah.

Baaritaannada ayaa lagu ogaaday in arday ay isku fasalka ahaayeen dhibbanaha uu yahay midka lagu eedeeyay inuu geystay shilka. Wali waxaa socda baaritaano lagu xaqiijinayo sida uu u dhacay falkaasi iyo waxa uu salka ku hayo.