Gaariga Tom Cruise ayaa la xaday intii lagu guda jiray duubista qeybtii toddobaad ee "Mission Impossible"

Xidiga Hollywood-ka Tom Cruise ayaa gaarigiisa BMW laga xaday xili uu filim ku duubayay magaalada Birmingham.

Jilaagan ayaa ku sugnaa magaalada isagoo duubayay qeybtii todobaad ee taxanaha “Howlgal aan macquul aheyn”.

Wargeyska “The Sun” ayaa isna sheegay in gaariga Cruz uu isticmaalay laga xaday bannaanka hoteelka Grand Hotel, iyadoo gudaha hotelka uu yaallay alaabo qiimahoodu yahay kumannaan gini.

Booliiska West Midlands ayaa sheegay in gaari BMW X7 ah laga xaday Church Street Talaadadii lana helay wax yar kadib.

Baabuurka ayaa laga helay meel u dhow Smithwick. Kaamirooyinka ilaalada ayaa hadda la baarayaa waxaana wali socda baaritaanada.

Wargeyska The Sun ayaa sidoo kale sheegay in gaariga markii la xaday uu gudaha ugu jiray boorsooyin lagu qiyaasay kumaan kun oo gini.

Qaybo ka mid ah xarunta wax-ka-iibsiga "Grand Central", oo ku taal korka Saldhigga New Street ee Birmingham, ayaa la xiray Axadda ilaa Arbacada si loogu oggolaado duubista muuqaallada filimka.

Xigasho BBC