Kanceri i gjirit...shërimi qëndron në një pije të thjeshtë
Gjithmonë ka shpresë dhe ka gjithmonë diçka të re në trajtimin e sëmundjeve të pashërueshme, përfshirë kancerin e gjirit.Një studim i fundit amerikan raportoi se një suplement ushqimor i përdorur në pijet sportive mund të trajtojë kancerin e gjirit rezistent ndaj ilaçeve.
Studimi është kryer nga studiues të spitaleve amerikane “Mayo Clinic”, dhe rezultatet e tyre janë publikuar në numrin më të fundit të revistës shkencore Cell Metabolism, sipas asaj që raporton agjencia “Anatolia”.
Studiuesit shpjeguan se një receptor i quajtur HER2, një hormon që mund të stimulojë rritjen e kancerit, është përgjegjës për rreth 20-30% të tumoreve të kancerit të gjirit.
Ata shtuan se barnat që trajtojnë kancerin e gjirit, si "trastuzumab", përmirësojnë jetën e disa pacientëve me kancer gjiri, por disa tumore mund të bëhen rezistente ndaj këtyre barnave.
Dr. Taro Hitosuji, drejtuesi i ekipit hulumtues dhe kolegët vendosën të eksplorojnë mënyra të reja për të zgjidhur këtë problem dhe testuan mundësinë e përdorimit të një suplementi dietik të quajtur "ciklokreatinë" në reduktimin e tumoreve të kancerit të gjirit.
Studiuesit zbuluan se ky suplement, i cili përdoret në pijet sportive, pengonte rritjen e hormonit HER2 përgjegjës për kancerin e gjirit, pa shkaktuar efekte anësore toksike.
Ky rezultat erdhi pas studimeve të kryera në minj me kancer gjiri, të cilët treguan rezistencë ndaj ilaçeve të kancerit të gjirit si "trastuzumab".
"Studimet e ardhshme klinike te njerëzit do të jenë të nevojshme për të përcaktuar efikasitetin e këtij ilaçi për trajtimin e kancerit të gjirit rezistent ndaj ilaçeve," tha Matthew Goetz, drejtor i Programit të Kancerit të Gjirit në Klinikën Mayo.
Sipas Agjencisë Ndërkombëtare për Kërkime mbi Kancerin të Organizatës Botërore të Shëndetësisë, kanceri i gjirit është lloji më i zakonshëm i tumorit tek gratë në mbarë botën në përgjithësi dhe në rajonin e Lindjes së Mesme në veçanti.
Agjencia deklaroi se rreth 1.4 milionë raste të reja diagnostikohen çdo vit, dhe sëmundja vret më shumë se 450 gra çdo vit në mbarë botën.