Ky çaj ul sheqerin brenda disa orësh
Ky çaj ul sheqerin brenda disa orësh
Një studim i ri shkencor zbuloi se një pije e nxehtë e famshme në Kinë mund të ulë ndjeshëm nivelet e sheqerit në gjak brenda pak orësh.
Sipas gazetës britanike “Express”, u raportua se kjo pije është “çaj pu-erh”, i cili prodhohet në provincën kineze të Yunnan, dhe eksportohet në shumë vende të botës.
Ekipi studimor i Universitetit të Azisë në Tajvan kreu një analizë të një sërë studimesh të kryera në vende të ndryshme të botës mbi këtë çaj dhe efektivitetin e tij në uljen e sheqerit në gjak, në përpjekje për të arritur rezultate të konfirmuara dhe të balancuara.
Rezultatet e studimit treguan se “çaji pu-erh” ka një efekt “të rëndësishëm” në luftimin e sheqerit të lartë në gjak dhe në uljen e përqindjes së glukozës, për shkak të substancave që përmban si katekinat, kafeina, polifenolet dhe aminoacidet, të cilat. kanë një efekt të dobishëm në ekuilibrin e glukozës në trup dhe në sekretimin e insulinës, e cila është hormoni që rregullon nivelin e sheqerit në gjak.
Për shkak se përmban antioksidantë, ky çaj mund të trajtojë edhe probleme të tjera shëndetësore si problemet e tretjes, sëmundjet e zemrës, qarkullimin e gjakut dhe kolesterolin dhe gjithashtu i siguron trupit shumë energji dhe vitalitet, sipas studimit.
Rezultatet e studimit të ri u publikuan në Revistën Ndërkombëtare të Shkencës dhe Teknologjisë së Ushqimit.
Rreth 420 milionë njerëz në mbarë botën vuajnë nga diabeti, i cili mund të rezultojë në komplikime serioze si sulme në zemër, goditje në tru, sëmundje të veshkave ose verbëri.