Walaac ka jira Britain ka dib markii lagu dhawaaqay xaaladda caafimaad ee boqoradda Elizabeth oo la galiyay ilaalo
Buckingham Palace ayaa bayaan ay soo saartay Khamiistii, ku sheegtay in dhakhaatiirta Queen Elizabeth II ay "ka walaacsan yihiin" caafimaadkeeda, waxayna ku taliyeen inay "ku sii jirto kormeerka caafimaadka."
Bayaan ay soo saartay, qasriga ayaa lagu sheegay in 96-jirka uu "ku nastay qalcadda Balmoral" ee Scotland. Ilo ku sugan qasriga boqortooyada ayaa CNN u sheegay in qoyska Boqorada lagu soo wargeliyay xaaladeeda caafimaad.
Qasriga Kensington ayaa ku dhawaaqay in Amiir Charles, wiilka boqorada, iyo amiir William, oo ah wiil ay awoowe u tahay, ay u safreen boqorada Elizabeth ka dib markii laga war helay caafimaadkeeda.
Boqoradda ayaa la kulantay ra’iisul wasaaraha cusub ee Britain, Liz Terrace, Talaadadii. "Dalka oo dhan aad ayuu uga walaacsan yahay warka ka soo baxay Qasriga Buckingham," ayay ku soo qortay barteeda Twitter-ka, Khamiista. "Fikradayda - iyo kuwa dadka UK oo dhan - waxay la jiraan Boqorada iyo qoyskeeda wakhtigan," ayay raacisay.