Isidumbu sendodana kasozigidi odumile satholwa eduze komuzi kaGeorge no-Amal Clooney

Isidumbu satholwa sintanta emfuleni iThames eNgilandi, ngesikhathi kuthungathwa indodana kasozigidi owanyamalala eduze komuzi kaGeorge Clooney ngoJanuwari odlule.

Sekukhulile ukukhathazeka ngokuphepha kuka-Alexander Stern, 36, owagcina ukubonakala ephuma endaweni yokucima ukoma eduze nesithabathaba somuzi walesi sihlabani saseHollywood esibiza u-£12m eSonning, eBerkshire, ngoJanuwari 11 nonyaka.

Amaphoyisa athungatha i-Stern athole isidumbu emfuleni, amakhilomitha amabili ukusuka eCharville, ngoLwesihlanu, Januwari 3.

Yize kungakacaciswa ngokusemthethweni, abaphenyi bakholwa wukuthi ngeyentsha elahlekile.

Okhulumela amaphoyisa aseThames Valley uthe namhlanje: "Ukushona kuthathwa njengokungachazeki kodwa akusolisi futhi ifayela lilungiselelwa umphenyi wecala."
Uqhube wathi izihlobo zika-Alexander sezazisiwe futhi zesekwa, futhi bafisa ukudlulisa ukubonga emphakathini ngokubeseka kulesi sikhathi esinzima.
Kuyaphawuleka ukuthi u-Alexander uyindodana kasozigidi uRonald Stern, odume njengomunye wabaqoqi beFerrari abangcono kakhulu eBrithani.
U-Alexander wagcina ukubonakala kumakhamera e-CCTV eshiya iThe Bull Bar, eduze nomuzi walesi sihlabani saseHollywood, ngoJanuwari 11, okwathi ngemva kwalokho wanyamalala kuze kube manje.